இல்லத்தரசிகளுக்கு பஜாஜ் அலையன்ஸ் புதிய இன்சூரன்ஸ் திட்டம்

இல்லத்தரசிகளுக்கான புதிய இன்சூரன்ஸ் திட்டத்தை பஜாஜ் அலையன்ஸ் லைப் இன்சூரன்ஸ் நிறுவனம் அறிமுகப்படுத்தியுள்ளது.

மிக எளிமையான விதிமுறைகளுடன் இல்லத்தரசிகளுக்கு ஆயுள் காப்பீடு அளிக்கும் நோக்கத்துடன் அறிமுகப்படுத்தப்பட்டுள்ள இந்த திட்டத்தின் மூலம், இல்லத்தரசிகள் எதிர் காலத்தில் தங்களையும், தங்களது எதிர்காலத்தையும் பாதுகாத்துக் கொள்ளலாம் என அந்நிறுவனம் இன்று வெளியிட்ட செய்தி குறிப்பு ஒன்றில் தெரிவித்துள்ளது.

மேலும் இந்த இன்சூரன்ஸ் திட்டம் இல்லத்தரசிகளுக்கு ஒரு சுய அடையாளத்தை ஏற்படுத்திக்கொடுப்பதோடு, அவர்களுக்கு பொருளாதார மதிப்பையும் ஏற்படுத்திக் கொடுக்கிறது என அந்த செய்தி குறிப்பில் தெரிவிக்கப்பட்டுள்ளது.